Qazaqstandyqtar ushaq apatynan qaza tapqandardy eske alyp, Almaty áýejaiynyń kire berisine gúl shoqtaryn qoiyp jatyr, dep habarlaidy "Ult aqparat".
«Almatylyqtar ushaq apatynan qaza tapqan jolaýshylardy eske alyp gúl shoqtaryn ákelip qoiyp jatyr. Olar bul qaza barsha qazaqstandyqtardyń qabyrǵasyn qaiystyrǵanyn aitty», - dep habarlaidy Almaty halyqaralyq áýejaiynyń baspasóz qyzmeti.
Aita keteiik, búgin tańda Almatydan Nur-Sultan qalasyna ushyp shyqqan ushaq radardan joǵalyp ketti.
Keiin 95 jolaýshysy jáne 5 ekipaj múshesi bar ushaqtyń apatqa ushyraǵany málim boldy.
Oqiǵanyń mán-jaiyn anyqtaý úshin ushaq qulaǵan aýmaqqa arnaiy komissiia ushyp shyqty.
QR Prezidenti Qasym-Jomart Toqaev ushaq apatyna kináliler zańǵa sáikes qatań jazalanatynyn málimdedi.
