Salyq raqymshylyǵy aiasynda qazaqstandyqtar 8 mlrd teńge kólemindegi salyq bereshegin ótedi, dep habarlaidy "Ult aqparat" Memlekettik kirister komitetine silteme jasap.
«2019 jylǵy 10 qazanyndaǵy jaǵdai boiynsha 334 127 jeke tulǵa 7,9 mlrd teńge kóleminde salyqtyq bereshegin ótep, 1,64 mlrd teńge ósimpul esepten shyǵaryldy. Eske sala ketsek, 3 – 10 qazan aralyǵynda 21 275 jeke tulǵanyń 74,8 mln teńge kólemindegi ósimpuly esepten shyǵarylǵan bolatyn.
Salyq bereshegin ótegen eń kóp azamattar – Almaty qalasynyń 65 042 turǵyny qaryzyn tóledi. Ekinshi orynda Aqtóbe oblysy 34 68 adam, úshinshi orynda – Qostanai oblysy – 28 975 adam», delingen habarlamada.
Tólengen salyq somalary boiynsha alda Almaty qalasy. Shahar turǵyndary qazirgi ýaqytta 4 mlrd 440 mln teńge.
Aita keteiik, 2019 jyldyń 1 qańtaryndaǵy jaǵdai boiynsha Almaty boiynsha salyq qaryzy 5,5 mlrd teńgeni quraǵan bolatyn.
Jinalǵan salyq qaryzy boiynsha osy aptadaǵy reiting kóshbasshysy Almaty qalasynyń turǵyny. Ol kólik salyǵy boiynsha 1 862 999 teńge kólemindegi negizgi borysh somasyn tólep, atalǵan somadan 1,5 ese asyp túsetin ósimpuly esepten shyǵaryldy (2 745 000 teńge).
Nur-Sultan turǵyndary salyq bereshegi boiynsha 483,9 mln teńgeni ótegen. Qostanai oblysynda 459,8 mln teńge kólemindegi salyq bereshegi óteldi.
Salyq tóleýshiler boryshtarynyń bar-joǵyn Memlekettik kirister komitetiniń saitynda teksere alady.
Aita keterligi, «Salyq jáne biýdjetke tólenetin basqa da mindetti tólemder týraly» Qazaqstan Respýblikasynyń Kodeksiniń (Salyq kodeksi) kúshine enýi týraly» 2019 jylǵy 3 shildede jeke tulǵalarǵa salyq boiynsha raqymshylyq jasaýǵa múmkindik beretin ózgertý engizildi. Bul túzetýler 2019 jyldyń 16 shildesinde kúshine endi.
Jalpy, atalmysh raqymshylyq naýqanyna 1,4 mln adam ilige alady. Olar 13,9 mlrd teńge kólemindegi salyq beresheginiń negizgi somasyn ótegen jaǵdaida, 6,3 mlrd teńge ósimpuly esepten shyǵarylatyn bolady.
