Qazaqstandyqtar 43 250 teńgege satyp alǵan nómirlerdi syiǵa tartyp, sata almaidy

Foto: ashyq derekkóz

Qazaqstanda 10 AEK iaǵni 43 250 teńgege satyp alǵan nómirlerge qatysty birqatar shekteý engizildi, dep habarlaidy Ult.kz 31-arnanyń “Informbiýro” baǵdarlamasyna silteme jasap.

Endi qazaqstandyqtar ózine unaǵan qymbat nómirlerdi syiǵa tartyp nemese sata almaidy. 

"Tańdap alynǵan memlekettik nómirdi iesi tek ata-anasyna, balasyna, ne resmi nekedegi jubaiynyń ǵana atyna aýystyra alady", – deidi Ishki ister ministrligi.

Aita ketsek, kólik bolmasa da “ádemi” nómirge ótinim berýge bolady. Ony saqtaý merzimi shektelmeidi. Quzyrly organnyń dereginshe, qazirge deiin tańdalǵan nómirlerge jalpy 123 myńnan astam adam ótinish kelip túsken. Eń joǵary suranys Almaty qalasynda.

"Tańdap alynǵan memlekettik tirkeý nómiri belgisin paidalaný tek onyń iesine ǵana ruqsat etiledi. Sondai-aq zańnamada memlekettik tirkeý nómiri belgisin belgilengen tártippen iesiniń jaqyn týystaryna bere alady. Nesiege alǵan kólikterge nómir alý kezinde kólik quralynyń iesi kepilde turǵan bankten tirkeý kýáligin nemese memlekettik tirkeý nómiri belgisin aýystyrý týraly ruqsat qujatyn usynýy qajet", – Ishki ister ministrligi ákimshilik politsiia komitetiniń aǵa inspektory Aqtoty Boranova.