Eski kólikti kádege jaratý baǵdarlamasy bastalǵannan beri qazaqstandyqtar 200 104 avtokólik ótkizgen. Bul týraly "Ult aqparat" Óndirýshilerdiń keńesitilgen mindettemeleri Operatorynyń baspasóz qyzmetine silteme jasap habarlaidy.
Uiymnyń málimeti boiynsha, eski kólik ótkizý kórsetkishi boiynsha Shymkent qalasy alda tur. Bul qalada 38 496 kólik kádege jaratýǵa tapsyrylǵan. Odan keiingi oryndarda Almaty, Taraz, Qaraǵandy jáne Pavlodar qalalary tur. 2021 jylǵy segiz aidyń qorytyndysy boiynsha búkil óńirlerden 25 958 jeńil jáne 9 219 avtobýs pen júk kóligi qabyldap alynǵan.
«Jeńildik sertifikatyn usynatyn baǵdarlama boiynsha 2315 aýyl sharýashylyǵy tehnikasy qabyldandy. Onyń ishinde 1 830 traktor jáne 485 kombain bar. Baǵdarlama bastalǵan 2016 jyldan beri eski kóligin ótkizgenderge 54 700 jeńildik sertifikaty berildi. Ol sertifikattar Qazaqstanda shyǵarylǵan 29 200 avtomobil satyp alýǵa paidalanyldy», - dep jazady ÓKM Opeatorynyń baspaóz qyzmeti.
Eskirgen kóligin ótkizgisi kelgender uiymnyń saityna (recycle.kz) kirip, elektrondyq kezekke turýy kerek.
2020 jyldan bastap qabyldanatyn kóliktiń ótemin ailyq eseptik kórsetkishpen esepteý júiesi engizilgen bolatyn.
Ol qoldanystan shyqqan kólik M1 sanatyndaǵy bolsa, 210 myń teńge, (72 AEK), M2 jáne N1 sanatyna jatsa, 420 myń teńge (144 AEK), M3 sanatyna kirse, 630 myń teńge (216 AEK) teńge tólenedi.
Byltyrǵy qarasha aiynan beri ÓKM Operatory qoldanystan shyqqan aýyl sharýashylyǵy tehnikasyn qabyldai bastady. Tapsyrylǵan eski kombaindar men traktorlardyń ornyna jeńildik sertifikattary beriledi. Sertifikat quny olardyń túri men jinaqtalýyna bailanysty 560 myńnan 2 million teńgege deiin ózgeredi.
