QR Syrtqy ister ministrligi Grýziia, Qyrǵyzstan, Majarstan, Moldova, Mońǵoliia, Tailand jáne Túrkiianyń ýákiletti organdarymen vaktsinalaý pasporttaryn ózara taný boiynsha notalarmen almasty. Bul týraly SIM baspasóz qyzmeti habarlady.
«Koronavirýsqa qarsy vaktsinalaýdyń tolyq kýrsynan ótken Qazaqstan jáne joǵaryda atalǵan elderdiń azamattary COVID-19-ge qarsy vaktsinalaý pasporttary negizinde memlekettik shekaralardy karantindik shekteýlersiz (PTR test tapsyrý, ózin-ózi oqshalaý jáne t.b.) kesip óte alady. Sonymen birge, Belarýs, Vetnam, Mysyr jáne Oman siiaqty elder sheteldik memleketterdiń vaktsinalaý pasporttaryn birjaqty tártippen tanydy jáne kelýshilerge kirýdi jeńildetti. Atalǵan elderdge barý úshin Qazaqstan azamattaryna sheqaralyq ótkizý pýnktterinde COVID-19-ge qarsy vaktsinalaýdy rastaityn qujatty usyný jetkilikti», - delingen habarlamada.
Búgingi tańda Argentina, Armeniia, Ázerbaijan, Iordaniia, Indoneziia, Marokko, Ózbekstan, Resei, Filippinder jáne t.b. memlekettermen COVID-19-ge qarsy vaktsinalaý pasporttaryn ózara taný boiynsha kelissózder júrgizilýde.
Tiisti jumystar turaqty negizde jalǵasýda, osy másele QR SIM-niń baqylaýynda.
