Qazaqstandyqtar 1 trln teńgeden astam zeinetaqy jinaqtaryn balamaly maqsattarǵa paidalandy jáne basqarýshy kompaniialarǵa berdi, dep habarlaidy "Ult aqparat".
Biryńǵai jinaqtaýshy zeinetaqy qorynyń málimetishe, 2021 jyldyń 8 sáýirindegi jaǵdai boiynsha ýákiletti operatorlardyń bankilerinde, sondai-aq, investitsiialyq basqarýshylarda ashylǵan qazaqstandyqtardyń arnaiy shottaryna BJZQ-dan 1,031 trln teńgeden astam qarjy tústi.
«1,02 trln teńgeni BJZQ salymshylary men alýshylary turǵyn úi jaǵdailaryn jaqsartýǵa paidalanýda. Bul rette BJZQ-ǵa ýákiletti operatorlardan túsken salymshylardyń (alýshylardyń) ótinishterine sáikes, alynǵan somanyń shamamen 33,5% turǵyn úidi ipotekasyz (tolyq satyp alý) alýǵa, shamamen 30% - ipotekalyq qaryzdy óteýge, onyń ishinde islam bankiniń qarjylandyrýy (tolyqtai nemese ishinara) sheńberinde, 23 % astam soma jaqyn týystaryna berýge josparlanýda»,- dep habarlady qordaǵylar.
Salymshylardyń arnaiy shottaryna kelip túsken tólemderdiń ortasha somasy 5 mln teńgeden asady. Ótinishterdiń basym bóligi Mańǵystaý oblysy (18%), odan keiin Almaty (17,3%), jáne Nur-Sultan (13,8%) qalalarynyń turǵyndarynan kelip tústi.
Emdelý úshin el turǵyndary 3,5 mlrd teńgeden astam qarjyny aldy. Ortasha eseppen alǵanda bir ótinish boiynsha emdelýge 1 mln teńge zeinetaqy jinaqtary aýdarylady. Ótinishterdiń basym bóligi Almaty qalasy (20,9%), Nur-Sultan qalasy (17,5%) jáne Atyraý oblysynyń (8,05%) turǵyndaryna tiesili.
Qazirgi ýaqytta berilgen ótinishterdiń 690-y oryndalyp, investitsiialyq portfeldi basqarýshylarǵa aýdarylǵan qarjynyń jalpy somasy shamamen 1,7 mlrd teńgeni qurady, bul rette aýdarymnyń ortasha somasy 2,4 mln teńge boldy.
