Foto: Sputnik / Sanat Imangaliev
Parlament Májilisi mass-media máseleleri týraly zań jobasyn birinshi oqylymda maquldady, - dep habarlaidy Sputnik Qazaqstan.
Mádeniet jáne aqparat ministri Aida Balaevanyń aitýynsha, zań aqparat quraldarynda jariialanǵan materialdarǵa shaǵym túsirý kezeńine shek qoimaidy. Biraq BAQ ókilderimen uzaq talqylaý barysynda azamattardyń jeke múliktik emes quqyqtarynyń buzylýyna jol bermes úshin 3 jyldyq shekteý merzimin bekitken durys dep sheshildi.
"Ázirge biz úsh jyl dep qaldyryp otyrmyz. Sizder 1 jylǵa deiin qysqartýdy usynyp otyrsyzdar, men muny qoldaimyn. Ekinshi oqylymǵa deiin biz muny quqyq qorǵaý organdarymen talqylap, depýtattarmen birlesip sheshim qabyldaimyz", - dedi Balaeva májilis kýlýarynda jýrnalister suraǵyna jaýap berip.
Sondai-aq zań jobasynda jýrnalisterdi túrli sharalarǵa qatysýǵa akkreditatsiialaýdy avtomatty túrde jasaý úshin arnaiy press-karta engizý usynylyp otyr. Aqparat ministri bul norma da ekinshi oqylymǵa deiin pysyqtalyp, talqylanatynyn atap ótti.
Budan bólek Balaevanyń aitýynsha, memlekettiń aqparattyq tapsyrysyn tiimdi etý úshin qarjylandyrýdyń granttyq júiesi engiziledi. Ol eń birinshi kezekte jobalardyń shyǵarmashylyq áleýetine baǵyttalady.
Sonymen qatar jýrnalister joldaityn saýaldardy naqty gradatsiialap (aýyzsha, jazbasha, komentarii, resmi túsinikteme), olarǵa berilýi tiis jaýaptarǵa naqty merzim belgilendi. Máselen, jazbasha jaýap berý merzimi 7 jumys kúninen 5 kúnge qysqartyldy.
"Elimizdegi zańsyz spýtniktik aqparat qurylǵylarymen kúresý maqsatynda ózimizdiń resmi otandyq qurylǵylar ornatýǵa arnaiy sýbsidiia qarastyrylady. Iaǵni, bul norma jazalaý printsipinen bas tartyp, kerisinshe osy baǵyttaǵy otandyq kásipkerlikke jaǵdai jasaý arqyly júzege asady", -dedi vedomstvo basshysy.
Balaeva zań jobasy sóz erkindigin qatań saqtai otyryp, jýrnalisterdiń kásibi statýsyn kóterý jáne memlekettik aqparattyq saiasattyń tiimdiligin arttyrý máselelerin sheshetinin málimdedi.
Májilis depýtattary zań jobasyn birinshi oqylymda maquldady.
