Qazaqstandyq jáne sheteldik jumysshy arasyndaǵy jalaqy teńsizdigi 2 esege jýyqtaidy. Bul týraly búgin Úkimet otyrysynan keiin QR Eńbek jáne halyqty áleýmettik qorǵaý ministri Birjan Nurymbetov aitty, dep habarlaidy "Ult aqparat".
«Bizde «M-Tehservis» JShS qazaqstandyq jáne sheteldik qyzmetkerleri arasyndaǵy jalaqyǵa qatysty teńsizdik týraly aqparat joq. Degenmen bul elimiz úshin úlken taqyryp bolyp tur. Qazirgi ýaqytta buǵan basa nazar aýdarylýda. Bas prokýratýra men eńbek inspektsiiasy 63 kásiporynǵa tekserý júrgizip jatyr», - dedi B.Nurymbetov.
Ministr atalǵan tekserýdiń keibir derekterin BAQ ókilderine jariia etti.
«38 kásiporynǵa tekserý qazirdiń ózinde aiaqtaldy. Ókinishke qarai, 19-ynda qazaqstandyq jáne sheteldik jumysshy arasynda jalaqyǵa qatysty teńsizdik bar. Eńbek kodeksine sáikes, ulty men azamattyǵyna qaramastan árbir jumysshyǵa birdei jaǵdai jasalýy tiis», - dedi ol.
Osy oraida BAQ ókilderi Birjan Nurymbetovten qazaqstandyq jáne sheteldik jumysshy jalaqysyndaǵy aiyrmashylyq qansha bolǵanyn surady.
«1,5-2 ese», - dep qysqa qaiyrdy ministr.
