Kanadalyq TVA Sports telearnasynyń saity 2018 jyly Kvebek provintsiiasynda judyryqtasqan boksshylardyń eń úzdik on nokaýtyn usyndy, dep habarlady Sports.kz.
Reitingtiń toǵyzynshy ornyn 20 jastaǵy qazaqstandyq Sadriddin Ahmedov ielendi, ol 24 qańtarda Rimýskidegi boks keshinde meksikalyq Hose Fransisko Sýnigany nokaýtqa jibergen bolatyn.
"20 jastaǵy qazaqstandyq Sadriddin Ahmedov meksikalyq Hose Fransisko Sýnigany ekinshi raýndta nokaýtqa jiberdi. "Eye of the Tiger Management" promoýterlik kompaniiasynyń qamqorlyǵyndaǵy bul boksshynyń bolashaǵy jarqyn jáne 2019 jyly da bizdi tańǵaldyrýy múmkin", — dep jazylǵan maqalada.
TVA nusqasy boiynsha úzdik on nokaýttyń videosyn myna jerden kórýge bolady.
