Qazaqstandyq Jannur Niiazbekova Qytaidyń úzdik stýdenti atandy. Bul týraly stýdenttiń ózi Instagram paraqshasynda jazdy, dep habarlaidy "Ult aqparat".
Jannur Niiazbekova – Qyzylorda qalasynyń týmasy. Osydan 3 ai buryn 17 jeltoqsanda Qytaidyń Prezidenttik stipendiia iegeri atanǵan.
«Qytaidyń eń úzdik stýdenti» dárejesin alý - Qytai stýdentteriniń ózine de sirek buiyratyn dúnie. Ol úlken eńbekti qajet etedi. Qytaiǵa alǵash kelgenimde pákistandyq jigittiń osy dárejeni alǵanyn kórip, qazaq stýdentterinen eshkim almaǵanyn estip, «Júlde, kút meni» degen edim. Aitqanymdai biylǵy júlde maǵan buiyrypty», - dep jazdy Jannur Niiazbekova.
Onyń aitýynsha, osydan 3 ai buryn «Qytaidyń úzdik stýdenti» júldesine qujat qabyldaý bastalǵan.
«Chen degen muǵalimimiz Jannur sen de tapsyr, baǵyńdy syna, jeńesiń, ózińe sen dep maǵan qujat tapsyrtty. Bizdiń ýniversitetten barlyǵy jeti stýdent tapsyrdyq, ishinen men jáne bangladeshtik stýdent ekeýmizdi Beijińdegi oqý bólimi tańdap alypty. Raqmet saǵan týǵan jerim, raqmet saǵan týǵan elim, raqmet saǵan Qazaq elim», - deidi J. Niiazbekova.
Jannur Niiazbekova kelesi jyly Qytaida doktorlyq dissertatsiiasyn qorǵaidy.
