قازاقستاندىق جاننۇر نييازبەكوۆا قىتايدىڭ ٷزدٸك ستۋدەنتٸ اتاندى. بۇل تۋرالى ستۋدەنتتٸڭ ٶزٸ Instagram پاراقشاسىندا جازدى, دەپ حابارلايدى "ۇلت اقپارات".
جاننۇر نييازبەكوۆا – قىزىلوردا قالاسىنىڭ تۋماسى. وسىدان 3 اي بۇرىن 17 جەلتوقساندا قىتايدىڭ پرەزيدەنتتٸك ستيپەندييا يەگەرٸ اتانعان.
«قىتايدىڭ ەڭ ٷزدٸك ستۋدەنتٸ» دەرەجەسٸن الۋ - قىتاي ستۋدەنتتەرٸنٸڭ ٶزٸنە دە سيرەك بۇيىراتىن دٷنيە. ول ٷلكەن ەڭبەكتٸ قاجەت ەتەدٸ. قىتايعا العاش كەلگەنٸمدە پەكٸستاندىق جٸگٸتتٸڭ وسى دەرەجەنٸ العانىن كٶرٸپ, قازاق ستۋدەنتتەرٸنەن ەشكٸم الماعانىن ەستٸپ, «جٷلدە, كٷت مەنٸ» دەگەن ەدٸم. ايتقانىمداي بيىلعى جٷلدە ماعان بۇيىرىپتى», - دەپ جازدى جاننۇر نييازبەكوۆا.
ونىڭ ايتۋىنشا, وسىدان 3 اي بۇرىن «قىتايدىڭ ٷزدٸك ستۋدەنتٸ» جٷلدەسٸنە قۇجات قابىلداۋ باستالعان.
«چەن دەگەن مۇعالٸمٸمٸز جاننۇر سەن دە تاپسىر, باعىڭدى سىنا, جەڭەسٸڭ, ٶزٸڭە سەن دەپ ماعان قۇجات تاپسىرتتى. بٸزدٸڭ ۋنيۆەرسيتەتتەن بارلىعى جەتٸ ستۋدەنت تاپسىردىق, ٸشٸنەن مەن جەنە بانگلادەشتٸك ستۋدەنت ەكەۋمٸزدٸ بەيجٸڭدەگٸ وقۋ بٶلٸمٸ تاڭداپ الىپتى. راقمەت ساعان تۋعان جەرٸم, راقمەت ساعان تۋعان ەلٸم, راقمەت ساعان قازاق ەلٸم», - دەيدٸ ج. نييازبەكوۆا.
جاننۇر نييازبەكوۆا كەلەسٸ جىلى قىتايدا دوكتورلىق ديسسەرتاتسيياسىن قورعايدى.
