Foto: Vesti.kz
Qazaqstandyq voleibolshy Sabina Altynbekova Indoneziianyń "Yogya Falcons" klýbynyń kapitany atandy, dep habarlaidy Sports.kz.
Qazaqstandyq tanymal voleibolshy Sabina Altynbekova sheteldik komandada óner kórsetip qana qoimai, kapitany atandy. Ol bul týraly óziniń áleýmettik jelidegi paraqshasynda jariia etti.
"Men úshin Yogya Falcons komandasynyń kapitany bolý – úlken qurmet. Búkil komandaǵa, jattyqtyrýshylarǵa, menedjerlerge, klýb direktoryna kórsetken senimi úshin alǵys aitamyn. Kapitan bolý men úshin jańa nárse emes, sondyqtan bul mindettiń qanshalyqty jaýapty ekenin jaqsy bilemin. Senimdi aqtaimyn. Búgin alǵashqy oiynymyzdy ótkizip, 3:0 esebimen jeńiske jettik. Qatelikter de boldy, biraq biz olardy túzetýge daiynbyz jáne 2025 jylǵy Proligaǵa daiyndalamyz. Alda úlken jeńister, jattyǵýlar kútip tur", - dedi Altynbekova.
Aita keteiik, buǵan deiin Sabina Altynbekova indoneziialyq klýbpen kelisimshartqa otyrǵanyn málimdegen bolatyn.
