Qazaqstandyq «Astana Pro Team» veloklýbynyń kapitany, kolýmbiialyq veloshabandoz Migeal Anhel Lopes «Tour de France» kópkúndiginiń 17-kezeńinde jeńimpaz atandy. Bul týraly "Ult aqparat" veloklýbtyń baspasóz qyzmetine silteme jasap habarlady.
Jarystyń bul satysy koroldik kezeń dep atalady.
Kópkúndiktiń 17-kezeńi Grenobl jáne Meribel Kol de la Loz aralyǵynda ótti. Veloshabandozdar 170 shaqyrymdy artqa tastady. Jarystyń atalǵan satysynda jeńimpaz atanǵan Lopestiń kórsetkishi - 04:49:08. Ol sloveniialyq Primoj, Roglichti 15, Birikken Arab ámirliginen kelgen Tadei Pogachardy 30 sekýndqa artqa tastady.
Esterińizge sala ketelik, kópkúndik 1903 jyldan beri turaqty túrde ótkizilip keledi. Halyqaralyq deńgeide Qazaqstan namysyn qorǵap júrgen «Astana Pro Team» veloklýby oǵan 2007 jyldan beri qatysady.
