«Astana» velokomandasynyń shabandozy Iakob Fýlsang «Andalýsiia výeltasy» kópkúndik jarysynyń úshinshi kezeńinde márege birinshi bolyp keldi, dep habarlaidy "Ult aqparat".
34 jastaǵy daniialyq veloshabandoz «Bahrain–McLaren» komandasynan Pelo Bilbaony jáne «UAE Team Emirates» komandasyndaǵy Brendon MakNaltidi artqa tastap, úzdik boldy.
Astanalyq komandanyń taǵy bir shabandozy ispandyq Ion Izagirre osy kezeńde tórtinshi orynǵa taban tiredi.
Aita keteiik, marshrýttyń jalpy uzyndyǵy - 176,9 shaqyrym.
Osylaisha Iakob Fýlsang jalpy eseptegi kóshbasshylyq ornyn saqtap qaldy.
«Andalýsiia výeltasy» — Ispaniiadaǵy Andalýsiia avtonomiialyq qoǵamdastyǵyna qarasty Kosta-del-Sol óńiriniń joldarynda ótetin kópkúndik velojarys. Báige 23 aqpanda bes kezeń túgel aiaqtalǵanda márege jetedi.
