Velosporttan Qazaqstan chempiony Aleksei Lýtsenko «Djiro d'Italiia» virtýaldy jarysy birinshi kezeńiniń jeńimpazy atandy, dep habarlaidy "Ult aqparat" QR Ulttyq olimpiada komitetine silteme jasap.
Virtýaldy jarys biylǵy velokópkúndiktiń 10-shy kezeńiniń finalyn qamtydy. Jarysqa qatysýshylar 32.1 shaqyrymdy velosipedpen eńserdi. Lýtsenko bárinen basym tústi. Ol máre syzyǵyn 44 minýt 41 sekýndta kesip ótti.
Ekinshi oryndy Italiia quramasynyń ókili Elia Viviani aldy. Alǵashqy úshtikti «Pro Team Astana» komandasynyń taǵy bir ókili Davide Martinelli tuiyqtady.
Eske salaiyq, 18 sáýirden 10 mamyrǵa deiin ótetin saiys aiasynda velojarystyń jeti kezeńi bolady.
