Qazaqstandyq vaktsinanyń birinshi fazadan keiin immýnitetti saqtaý kórsetkishi 100% bolsa, ekinshi fazadan keiin 96% boldy. Bul týraly Ortalyq kommýnikatsiialar qyzmetinde ótken «Qazcovid-in qazaqstandyq vaktsinasy týraly» brifingide aityldy, dep habarlaidy QazAqparat.
«Qazaqstandyq Qazcovid-in vaktsinasynyń áser etýi 96% degen aqparat qanshalyqty ras?», - degen tilshi suraǵyna Biologiialyq qaýipsizdik problemalary ǵylymi-zertteý institýtynyń bas direktory Kúnsulý Zakaria jaýap berdi.
«Biz birinshi jáne ekinshi klinikalyq zertteýlerdiń nátijesin saraptamadan ótkizip, búkil kórsetkishterdi qarastyrǵan kezde vaktsinamyzdyń immýnitet saqtaý kórsetkishi 96%-ǵa sai boldy. Myna jaǵdaidy eskerý kerek: birinshi fazadan keiin immýnitetti saqtaý kórsetkishi 100% bolsa, ekinshi fazadan keiin 96% bolsa, adam sany neǵurlym kóp bolǵan saiyn onyń kórsetkishi soǵurlym tómendeýi múmkin. Úshinshi fazanyń aiaǵynda bul kórsetkish ózgerýi múmkin», - dedi ol.
