قازاقستاندىق ۆاكتسينانىڭ بٸرٸنشٸ فازادان كەيٸن يممۋنيتەتتٸ ساقتاۋ كٶرسەتكٸشٸ 100% بولسا, ەكٸنشٸ فازادان كەيٸن 96% بولدى. بۇل تۋرالى ورتالىق كوممۋنيكاتسييالار قىزمەتٸندە ٶتكەن «Qazcovid-in قازاقستاندىق ۆاكتسيناسى تۋرالى» بريفينگٸدە ايتىلدى, دەپ حابارلايدى قازاقپارات.
«قازاقستاندىق Qazcovid-in ۆاكتسيناسىنىڭ ەسەر ەتۋٸ 96% دەگەن اقپارات قانشالىقتى راس?», - دەگەن تٸلشٸ سۇراعىنا بيولوگييالىق قاۋٸپسٸزدٸك پروبلەمالارى عىلىمي-زەرتتەۋ ينستيتۋتىنىڭ باس ديرەكتورى كٷنسۇلۋ زاكاريا جاۋاپ بەردٸ.
«بٸز بٸرٸنشٸ جەنە ەكٸنشٸ كلينيكالىق زەرتتەۋلەردٸڭ نەتيجەسٸن ساراپتامادان ٶتكٸزٸپ, بٷكٸل كٶرسەتكٸشتەردٸ قاراستىرعان كەزدە ۆاكتسينامىزدىڭ يممۋنيتەت ساقتاۋ كٶرسەتكٸشٸ 96%-عا ساي بولدى. مىنا جاعدايدى ەسكەرۋ كەرەك: بٸرٸنشٸ فازادان كەيٸن يممۋنيتەتتٸ ساقتاۋ كٶرسەتكٸشٸ 100% بولسا, ەكٸنشٸ فازادان كەيٸن 96% بولسا, ادام سانى نەعۇرلىم كٶپ بولعان سايىن ونىڭ كٶرسەتكٸشٸ سوعۇرلىم تٶمەندەۋٸ مٷمكٸن. ٷشٸنشٸ فازانىڭ اياعىندا بۇل كٶرسەتكٸش ٶزگەرۋٸ مٷمكٸن», - دەدٸ ول.
