Foto: Úkimet basshysynyń baspasóz qyzmeti
QR Ulttyq ekonomika ministrliginiń Tabiǵi monopoliialardy retteý komiteti jáne onyń aýmaqtyq bólimsheleri Qazaqstan boiynsha jylý energiiasyn esepke alý aspaptary joq tutynýshylar úshin jylýmen jabdyqtaý qyzmetteriniń qunyn qaita esepteý boiynsha jumysty aiaqtady, dep habarlaidy "Ult aqparat" vedomstvonyń baspasóz qyzmetine silteme jasap.
"Jumys tabiǵi monopoliialar salasyndaǵy zańnamanyń normalaryna sáikes júrgizildi. Qaita esepteý nátijeleri boiynsha qarajatty qaitarý halyqtyń derbes shotynda jylý maýsymynda (2023-2024 jyldary) ne kúntizbelik jylda (2023 jyldyń sońyna deiin) avans (saldo) túrinde jeke jolmen jazylady.
Qazaqstan Respýblikasynyń tabiǵi monopoliialar týraly zańnamasynyń normalaryna sáikes, tabiǵi monopoliia sýbektisi syrtqy aýanyń naqty temperatýrasyn eskere otyryp, jylý energiiasymen jabdyqtaý boiynsha rettelip kórsetiletin qyzmettiń qunyn tikelei tutynýshylarǵa ne tutynýshynyń turǵan jerin anyqtaý múmkin bolmaǵan jaǵdaida, jylý energiiasymen jabdyqtaý boiynsha rettelip kórsetiletin qyzmetke aqy tóleý kezinde tarifti tómendetý arqyly qaita esepteýdi júrgizýge mindetti" - delingen habarlamada.
Osylaisha, 2022-2023 jyldardaǵy jylytý kezeńinde jylýmen jabdyqtaý boiynsha qyzmet kórsetetin tabiǵi monopoliia sýbektisi jylý energiiasynyń tólemine QQS-ty eskere otyryp, jalpy somasy 957 807,22 myń teńgege qaita esepteý júrgizgen:
- Astana qalasy boiynsha – 514,491 myń teńge;
- Almaty qalasy boiynsha – 15 876,45 myń teńge;
- Abai oblysy boiynsha – 755,134 myń teńge;
- Almaty oblysy boiynsha – 9 199,56 myń teńge;
- Aqmola oblysy boiynsha – 18 924,83 myń teńge;
- Atyraý oblysy boiynsha – 11 640,57 myń teńge;
- Aqtóbe oblysy boiynsha – 6 211 myń teńge;
- Shyǵys Qazaqstan oblysy boiynsha – 445 840,44 myń teńge;
- Jambyl oblysy boiynsha – 79 096,62 myń teńge;
- Batys Qazaqstan oblysy boiynsha – 1 976,25 myń teńge;
- Qaraǵandy oblysy boiynsha – 338 261,08 myń teńge;
- Qyzylorda oblysy boiynsha – 21 627,50 myń teńge;
- Mańǵystaý oblysy boiynsha – 1 214,63 myń teńge;
- Pavlodar oblysy boiynsha – 2 044,91 myń teńge;
- Soltústik Qazaqstan oblysy boiynsha – 4 623,75 myń teńge.
Bul rette, Shymkent, Jetisý, Ulytaý, Qostanai, Túrkistan oblystarynyń tutynýshylary úshin qaita esepteý bolmaidy, óitkeni jylý energiiasymen jabdyqtaý boiynsha rettelip kórsetiletin qyzmettiń quny syrtqy aýanyń naqty temperatýrasyn eskere otyryp júrgizilgen.
