2008 jyly Beijińde ótken Olimpiada oiyndarynda qazaqstandyq tórt aýyratlettiń doping synamalarynan tyiym salynǵan zattar tabylǵan, - dep habarlaidy Vesti.kz Halyqaralyq aýyr atletika federatsiiasynyń (IWF) baspasóz qyzmetine silteme jasap. Bul týraly kaz.tengrinews.kz jazdy.
Sonymen tyiym salynǵan zattar 2008 jylǵy Beijińdegi Olimpiada oiyndarynyń kúmis júldegeri Irina Nekrasovanyń (63 kelige deiin), qola júldegeri Mariia Grabovetskaianyń (75 keliden asa), sondai-aq Maiia Maneza men Vladimir Sedovtyń doping synamalarynan tabylǵan.
Aita keteiik, qazirgi ýaqytta osy tórt sportshy jarystardan ýaqytsha shettetildi.
Sondai-aq, Halyqaralyq aýyr atletika federatsiiasynyń ókilderi sportshylarǵa qatysty tergeý jumystary aiaqtalmaiynsha, eshqandai da túsinik bermeitinin aitty.
Osyǵan deiin de Vladimir Sedovtyń doping synamasynan tyiym salynǵan zattar tabylǵan edi. 2006 jyly Sedov 2008 jyldyń maýsym aiyna deiin shettetilgen bolatyn. Al Beijińde ótken Olimpiada oiyndarynda Sedov tórtinshi oryn aldy.
Eske salaiyq, Ilia Ilin, Svetlana Podobedova, Maiia Maneza jáne Zúlfiia Chinshanlonyń 2012 jylǵy Olimpiadadaǵy synamalaryn qaita tekserý barysynda dopingtiń bar ekendigi anyqtalǵan. Ilinniń 2008 jylǵy Olimpiadadaǵy doping synamasynda da tyiym salynǵan zattar bar bolyp shyqty. Bul sportshylar sol Olimpiada oiyndarynda altyn medal alǵan edi.
