Qazaqstandyq tennisshiler álemdik reitingide joǵary kóterildi, dep habarlaidy "Ult aqparat".
Qazaqstan tennis federatsiiasy málimetine súiensek, erler arasynda el quramasynyń úzdigi Aleksandr Býblik 38-den 37-ge joǵarylaǵan.
Sóitip ol óziniń rekordtyq kórsetkishine qaita oraldy. Taǵy bir qazaqstandyq Mihail Kýkýshkin de bir saty kóterilip, qazir 129-orynda tur.
Juptyq synda Andrei Golýbev 36-ornyn saqtap qalsa, Aleksandr Nedovesov 84-ten 82-ge aýysty.
Áielder arasynda Qazaqstannyń birinshi raketkasy Elena Rybakina bir satyǵa keiin syrǵyp, 20-orynda keledi. Al Iýliia Pýtintseva 35-ten 33-ke, Zarina Diias 112-den 110-ǵa joǵarylady.
