Qazaqstannyń birinshi, álemniń 36-raketkasy Aleksandr Býblik eis jasaýdan álemde úzdik nátije kórsetti, dep habarlaidy QazAqparat.
Qazaqstan tennis federatsiiasy málim etkenindei, A.Býblik biylǵy maýsymda 62 matchta 840 eis jasap, kósh bastady.
Germaniialyq Aleksandr Zverev 74 kezdesýde 749 eiske qol jetkizip, ekinshi orynnan kórindi.
Amerikalyq Reilli Opelka (43 oiyn, 737 eis) úzdik úshtikke ilikti. Taǵy bir amerikalyq Djon Izner (34 match, 701 eis) tórtinshi orynǵa taban tiredi.
Biyl sporttyq jolynda eń úlken tabysyna qol jetkizgen reseilik Daniil Medvedev (71 kezdesý, 652 eis) besinshi satyda.
Aleksandr Býblik osy aptada Madridte Devis kýbogynyń finaldyq kezeńinde Qazaqstan namysyn qorǵaidy.
