Parlament Májilisiniń jalpy otyrysynda «2007 jylǵy 6 naýryzdaǵy Qazaqstan Úkimeti men Grýziia Úkimeti arasyndaǵy Halyqaralyq avtomobil qatynasy týraly kelisimge ózgerister men tolyqtyrýlar engizý týraly hattamany ratifikatsiialaý týraly» zań jobasy maquldandy, dep habarlaidy "Ult aqparat".
«Atalǵan Hattama ekijaqty jáne tranzittik, sondai-aq úshinshi elge/elderden avtokólikpen júk tasymaldaýǵa ruqsat berý júiesin engizýdi kózdeidi. Qazirgi ýaqytta eki el arasynda avtokólikpen júk tasymaldaý «ruqsatsyz» negizde júzege asyrylady.
Ruqsatsyz júie Grýziia kólik operatorlaryna avtomobil tasymalyn oryndaý kezinde basym bolýǵa múmkindik beredi. Eger 2018 jyly eksport-import tasymalynyń 53 paiyzyn Grýziia kólik operatorlary oryndasa, 2019 jyly bul kórsetkish 69 paiyzdy qurady», - dedi QR Indýstriia jáne infraqurylymdyq damý ministri Beibit Atamqulov.
Onyń basty sebepteri mynada:
- Grýziiada halyqaralyq tasymaldaǵy avtokólik parki keńeidi. Elimizde ol 7 myń 754 bolsa, Grýziiada 8 myń 901-ge jetti;
- sońǵy kezderi Grýziia aýmaǵynda Grýziia-Túrkiia, Grýziia-Ýkraina siiaqty birlesken avtotasymal kásiporyndary ashyldy;
- Grýziianyń teńizge shyǵýǵa múmkindigi bar.
«Sondyqtan ruqsat berý júiesin engizý: birinshiden, kólikpen halyqaralyq avtotasymal naryǵyndaǵy tepe-teńdikti ornatýǵa múmkindik beredi. Ekinshiden, otandyq kólik operatorlarynyń tasymaldaǵy úlesin arttyrýǵa yqpal etedi. Úshinshiden, qazaqstandyq tasymaldaýshylardyń básekege qabiletin arttyryp, tabystarynyń ósýi esebinen elimizdegi kólik parkiniń ulǵaiýyna jaǵdai jasaidy», - dedi ministr.
