Ulttyq dombyra kúnine ministrler men ákimder de ózinshe ún qosyp jatyr, dep habarlaidy QazAqparat.
Áýeli Saýda jáne integartsiia ministri Baqyt Sultanov qazaqstandyqtardy Ulttyq dombyra kúnimen quttyqtap, «Erke sylqymnan» úzindi oryndaǵan bolatyn.
«Jaqynda Ortalyq Aziiaǵa jasaǵan saparymda aýǵan shekarasynan
Men qai elde bolsam da, dombyranyń úni meni árqashan úiime jeteleidi. Sondyqtan bolar, dombyrany «qazaqtyń jany» dep ataidy. Qazir «qazaqstandyqtyń jany» dep aitý durysyraq bolar», - dep jazdy ministr Facebook paraqshasynda.
Dombyranyń tarihy qysasha toqtalǵan Saýda jáne integratsiia ministri qandai zaman kelse de, domybarynyń «sánnen shyqpaitynyna» senim bildirgen.
Nur-Sultan qalasynyń ákimi Altai Kólginov te ulttyq ónerden kende emes ekenin kórsetip, kompozitor Renat Gaisinmen birge Ábdimomyn Jeldibaevtyń «Erke sylqym» kúiin oinady.
Merekege orai ákim elorda turǵyndary men áriptesterin dombyrada ulttyq kúilerdi oryndaý chellendjine qatysýǵa shaqyrdy.
«Qurmanǵazy, Dáýletkerei, Táttimbet, Dina Nurpeiisova jáne basqa da kóptegen kompozitorlardyń kúileri halqymyzdyń jadynda máńgi saqtalady. Elbasy atap ótkendei, dombyra áýenderi - erekshe mýzyka, al aspaptyń ózi – «qazaqtyń jany». ( ... ) Jetkinshekter men jastarymyzdyń ulttyq aspapta oinaýǵa belsendi qyzyǵýshylyq tanytatyny qýantady», - dep jazdy elorda ákimi óziniń Instagram paraqshasynda.
Eske salsaq, 2018 jyldan beri shildeniń alǵashqy jeksenbisi qazaqtyń tól aspabynyń kúni retine toilanyp keledi.
Keshe Memleket basshysy Qasym-Jomart Toqaev Ulttyq dombyra kúnine arnalǵan kontsertke qatysyp, qazaqstandyqtardy aitýyl kúnmen quttyqtady.
«Bul – halqymyzdyń tamyry tereńde jatqan tól ónerin dáripteitin meiram. Qazaq pen dombyra – bir-birinen bóle-jarýǵa bolmaityn egiz uǵym. Dombyra – kóne zamannyń ańyzdaryna arqaý bolǵan kieli aspap. «Aqsaq qulan» kúiiniń shyǵý tórkinin bilmeitin qazaq kemde-kem. Ejelgi dáýirden jetken qasterli dombyra urpaqtan-urpaqqa miras bolyp keledi. Qazaq san ǵasyrlyq shejiresiniń kýási bolǵan qasietti aspapty boitumaryna balaǵan. Qazirgi tilmen aitsaq, bul – bizdiń ulttyq brendimiz», – dedi Prezident.
