Májilis depýtaty Sergei Simonovtyń aitýynsha, aqshamen jáne basqa múlikpen jasalatyn operatsiialar boiynsha monitoring júrgiziletin adamdar tizimin Qazaqstan Prezidenti bekitedi. Qarjylyq monitoring agenttigi bul adamdardyń, olardyń otbasy músheleriniń jáne jaqyn týystarynyń jeke tizimin jasaidy.
"Iaǵni, Qazaqstannyń memlekettik sheneýnikteri men olardyń týystary qarjylyq monitoring sýbektilerinen tiisti qyzmetterdi alǵannan keiin, sonymen qatar sheteldik memlekettik qyzmetkerlerge qosymsha tekserýden ótedi", - dedi Simonov Májilis otyrysynda.
Ol memlekettik sheneýnikterge jaýapty memlekettik qyzmetterdi atqaratyn adamdar tizimine, memlekettik fýnktsiialardy oryndaýǵa ýákiletti adamdar, sondai-aq memlekettik kásiporyndar men kvazimemlekettik sektor sýbektilerin basqaratyn adamdar kiretinin aitty.
"FATF-tyń halyqaralyq standarttaryna sáikes óz elinde memlekettik basqarýdyń jariia fýnktsiialary berilgen adamdar: memleket jáne úkimet basshylary, Úkimettiń aǵa qyzmetkerleri, sot jáne áskeri qyzmetkerler, kórnekti saiasi qairatkerler, sondai-aq memlekettik korporatsiialardyń basshylary jatady. Arasynda saiasi partiialardyń qoǵamdyq tulǵalary da bar", - dep túiindedi ol.
Sondai-aq, zań jobasy aiasynda "otbasy músheleri" degen uǵym naqtylanady. Oǵan erli-zaiypty kiredi.
"Jaqyn týystarǵa keletin bolsaq, anyqtama Neke jáne otbasy týraly kodeksten alynady. Ol jerde jaqyn týystarǵa ata-ana, bala, aǵa-ini, apa-sińli, ata, áje, nemere kiredi dep kórsetilgen", - dep tolyqtyrdy Sergei Simonov.
