Ózbekstan Mádeniet ministrliginiń tapsyrysy boiynsha túrkiialyq «Bo‘zdag‘ film» stýdiiasy taspalaǵan «Mendirman Jaloliddin» tarihi seriialy jaryqqa shyqty, dep habarlaidy ÓzA agenttigi.
Alǵashqy seriiasy 14 aqpanda kórermenge jol tartqan týyndy Horezmdi bilegen Jaloliddin Mangýberdiniń ómiri, qolbasshylyq etken dáýiri men tarihi shaiqastary jaily baiandaidy. Dese de, serialdyń basty arqaýy Horezmshah pen Shyńǵyshannyń shaiqasyna negizdelgen.
13 bólimnen turatyn tarihi kartinada basty ról - Horezmshahty túrik akteri Emre Kivildjim somdaǵan bolsa, uly Shyńǵyshan obrazyn ózbektiń belgili akteri Djavahir Zakirov beinelegen. Al, serialdy qazaqstandyq rejisser Nurǵisa Álmurat túsirgen.
Tarihi týyndyny ár aptanyń jeksenbi kúni keshki saǵat 20:30-da «Milli TV» arnasynan kórýge bolady.
