Qazaqstandyq rejisser Ádilhan Erjanov HIII Aziia-Tynyq muhity kino baiqaýynda (APSA) top jardy, dep habarlaidy "Ult aqparat".
Aziialyq «Oskar» qazaqstandyq rejisserge nýar stilindegi «Qara, qara adam» filmi úshin berildi. Film aýylda bala máiitiniń tabylýymen bastalady. Tergeýshi isti tezirek jaýyp tastaǵysy kelgenimen, qaladan kelgen jýrnalist qylmys boiynsha tergeý júrgizýdi talap etedi.
Marapattaý rásimi 21 qarashada Aýstraliianyń Brisbern qalasynda ótti. Ádilhan Erjanov Asia Pacific Screen Awards kinojúldesiniń «Úzdik rejisser» atalymynda jeńimpaz boldy. Bul atalymda qazaqstandyq rejisser filippindik Lav Diasty, qytailyq Van Siaoshýaidy, palestinalyq Elia Sýleimandy jáne tailandtyq Anoch Sývichakornpongty basyp ozdy.
Odan bólek, ońtústikkoreialyq rejisser Bong Djýn Hýdyń «Parazit» kinosy «Úzdik kórkem film» atalymynda úzdik dep tanyldy.
APSA baiqaýyna Aziia-Tynyq muhity aimaǵyndaǵy memleketterden 289 film usynylǵan. Onyń ishinde 22 memleketten kelgen 37 film bedeldi júldelerge ie boldy.
Aita keteiik, 2013 jyly Á. Erjanov «Qurylysshylar» týyndysy úshin APSA NETPAC (Young Cinema Award) júldesin jeńip alǵan edi.
