Foto: Dene múmkindikteri shekteýli tulǵalarǵa arnalǵan sporttyq daiarlaý ortalyǵy
Qazaqstandyq parashańǵyshy Erbol Hamitov Shvetsiiada ótip jatqan álem chempionatynda altyn medal jeńip aldy, dep habarlaidy "Ult aqparat" "Dene múmkindikteri shekteýli tulǵalarǵa arnalǵan sporttyq daiarlaý ortalyǵyna" silteme jasap.
Hamitov álem chempionatyndaǵy sprint jarysynda top jarǵan. Onyń ýaqyt kórsetkishi - 2:44,23. Márege ekinshi bolyp ýkrainalyq sportshy Taras Rad kelse, úshinshi orynǵa braziliialyq sportshy Kristian Vestmaer Ribeira ie boldy.
Buǵan deiin Erbol álem chempionatynyń alǵashqy kúni para biatlonnan qola júlde jeńip alǵan bolatyn.
Aita keteri, parashańǵy jáne parabiatlonnan álem chempionaty Shvetsiianyń Estersýnd qalasynda ótip jatyr.
Jarystar 29 qańtarǵa deiin jalǵasady. Oǵan 18 memleketten 102 sportshy qatysýda.
