Bedeýlik – árbir onynshy qazaqstandyq otbasynyń ajyrasýynyń bir sebebi. Bul týraly Qazaqstan reprodýktivti meditsina qaýymdastyǵynyń prezidenti, akademik Viacheslav Lokshin Asfendiiarov atyndaǵy QazUMÝ-da meditsinalyq jýrnalistika kýrsynda sóilegen sózinde aitty, dep habarlaidy QazAqparat.
Onyń aitýynsha, Qazaqstanda bedeýliktiń jiiligi shamamen 15%-dy quraidy.
«Jyl saiyn mamandarǵa 20,5 myńǵa jýyq jup júginedi, olardyń 40-45%-y kómekshi reprodýktivti tehnologiia júrgizýdi qajet etedi. Búgingi tańda 100 erli-zaiyptynyń 34-i ajyrasqan. Ajyrasý jaǵdailarynyń 10% sebebi – balalardyń bolmaýy», - dedi Viacheslav Lokshin.
Reprodýktolog atap ótkendei, bedeýlik - eki adamnyń problemasy, ony birlesip sheshý qajet.
«Men aityp ótkendei, otbasynda balalardyń joqtyǵy áielderdi ǵana alańdatpaidy. EKU-ǵa kelgenderdiń 50% - er adamdar. Eger erli-zaiyptylar balaly bola almasa, olar EKU-ǵa júginedi. Tekserý kezinde negizgi faktorlar belgili bolady. Emdeýdiń barlyq protsesi - ýaqytty, kúsh-jigerdi jáne jaqsylyqqa degen senimdi qajet etetin jol. Sondyqtan munda naýqastardyń psihologiialyq jaǵdaiy belgili ról atqarady», - dep atap ótti spiker.
Viacheslav Lokshinniń aitýynsha, elde balaly bolýǵa yntalandyratyn otbasylyq saiasat bolýy kerek.
«Basqa eldermen salystyrǵanda bizde bala týý boiynsha kórsetkishter oń. Bul – óte jaqsy kórsetkish», - dedi ol.
Eske sala keteiik, Prezident Úkimetke 2021 jyldan bastap «Ańsaǵan sábi» arnaiy baǵdarlamasyn iske qosýdy, sondai-aq Memleket basshysy «EKU» baǵdarlamasy boiynsha kvota sanyn 7 myńǵa deiin, iaǵni 7 esege arttyrýdy tapsyrdy.
