Otandyq «QazTrade» ulttyq saýda operatory álemdik deńgeidegi iri elektrondyq saýda alańdarynyń biri - AliBaba-men kelisimshart jasady. Sonyń aiasynda atalǵan elektrondy saýda alańynda otandyq taýarlardyń pavilony ashylmaq. Bul týraly QR Saýda jáne integratsiia ministrligi eksportty damytý departamentiniń direktory Ómirbek Bashtai málim etti, dep habarlaidy QazAqparat.
«Biyl tamyz aiynda «QazTrade» ulttyq institýty AliBaba-men kelisimshartqa qol qoidy. Jyl sońyna deiin bizdiń ministrlik AliBaba-men birlesip ulttyq virtýaldy pavilon ashýdy josparlap otyr. Ol jerde (kazakhstan.alibaba.com) qazaqstandyq taýarlar satylymǵa shyǵady. Bul - qazaqstandyq taýarlardy onlain satýǵa múmkindik beretin bólek elektrondy saýda alańy. Atalǵan platforma arqyly qandai otandyq ónimderdiń saýdaǵa qoiylǵanyn kórýge jáne satyp alýǵa bolady. Jalpy otandyq ónimderdi elektrondy saýda alańdaryna shyǵarý boiynsha eksporttyq kelisimshart 62,7 mln AQSh dollaryn qurady. Elektrondy saýda eksporty baǵadarlamasyna negizinen elimizdiń shaǵyn jáne orta biznesi qatysyp jatyr», - dedi Ómirbek Bashtai.
