Halyqaralyq Olimpiada komiteti olimpiadalyq qysqy sport túrlerindegi Halyqaralyq federatsiialarmen birlese otyryp, on qazaqstandyq sportshyǵa 2022 jyly Qytaida ótetin Olimpiada oiyndaryna daiyndalý maqsatynda arnaiy stipendiia bóldi, dep habarlaidy "Ult aqparat" Olympic.kz silteme jasap.
Stipendiattar tizimine myna sportshylar kiredi: Iýliia Galysheva (fristail-mogýl), Elizabet Tursynbaeva (mánerlep syrǵanaý), Ekaterina Aidova (konkimen júgirý sporty), Janbota Aldabergenova (shańǵy akrobatikasy), Aqmarjan Qalmurzaeva (shańǵy akrobatikasy), Pavel Kolmakov (fristail-mogýl), Abzal Ájiǵaliev (short-trek), Roman Krech (konkimen júgirý), Dmitrii Reiherd (fristail-mogýl) jáne Sergei Tkachenko (shańǵymen tuǵyrdan sekirý).
HOK talaby boiynsha, ár eldegi UOK-terge bólinetin stipendiia kólemi ótken oiyndarǵa qatysqan sportshylar arasynda genderlik teńdiktiń saqtalýyna bailanysty. Sondai-aq, úmitkerlerdi irikteý barysynda olardyń reitingi men sporttaǵy jetistikteri de qaraldy. Stipendiiany HOK 2019 jyldyń sońynan bastap tóleidi.
