Foto: Pexels.com
Qysqy kanikýl kezeńi 2025 jyldyń 29-jeltoqsany men 2026 jyldyń 7-qańtaryn qosa alǵanda on kúnge sozylady, dep habarlaidy Ult.kz Oqý-aǵartý ministrliginiń baspasóz qyzmetine silteme jasap.
Mektep oqýshylarynyń qysqy demalystaǵy bos ýaqytyn tiimdi ótkizý jáne jeke tulǵalyq qasietterin damytý mańyzdy. Osy maqsatta «Adal azamat» birtutas tárbie baǵdarlamasy aiasynda birqatar is-sharalar kózdelgen.
Balalarǵa bos ýaqytynda:
- • kitap oqý;
- • mýzeilerge, kórme zaldaryna, ǵylymi ortalyqtarǵa jáne tarihi eskertkishterge tanymdyq ekskýrsiialarǵa barý;
- • sporttyq oiyndarǵa qatysý, konki, shańǵy tebý;
- • qaiyrymdylyq aktsiialary jáne basqa da is-sharalarǵa qatysý usynylady.
"Mektepterde, qosymsha bilim berý uiymdarynda birqatar bilim berý, sporttyq, mádeni jáne shyǵarmashylyq is-sharalar ótkizý usynylady.
Eń bastysy – balalardyń qaýipsizdigin qamtamasyz etý. Osy maqsatta ata-analarmen birge jol-kólik jaraqattarynyń aldyn alýǵa, mekteptiń ishki tártibin saqtaýǵa, balalardyń qoǵamdyq qaýipsizdigine, úidegi órt qaýipsizdigi jáne kiberqaýipsizdikke erekshe nazar aýdarý qajet", - delingen habarlamada.
