© Sputnik / Ramil Sitdikov / Fotobankke ótý
Oqý-aǵartý ministri Ashat Aimaǵambetov tamyz konferentsiiasy aiasyndaǵy paneldik sessiianyń otyrysynda biliktilikti arttyrý kýrstary men attestatsiia qalai ótetinin aitty, dep habarlaidy Sputnik Qazaqstan.
Ministr muǵalimder endi biliktilikti arttyrý kýrstarynan úsh jylda bir ret ótetinin atap ótti. Al attestatsiia merzimi ózgermeidi.
"Úsh jylda bir ret kýrstan ótý degen – bul negizi jaǵymdy jańalyq. Óitkeni biz árqashanda ózimizdiń kásibi biliktiligimizdi damytyp otyrýymyz kerek. Ol aqysyz, memleket tarapynan barlyǵymyzǵa birdei múmkin bolsa, árine, pedagogter oǵan qýanýy kerek. Biraq attestatsiia sol kúiinde, bes jylda bir ret bolyp qala beredi. Onyń bir-birine esh qatysy joq", - dep málimdedi Aimaǵambetov.
Vedomstvo basshysy kýrstan ótkeni týraly sertifikatty barlyǵy birdei almaitynyn aitty.
Eń aldymen, muǵalim kýrstyń aldynda tiisti diagnostikadan ótedi. Kýrs aiaqtalǵannan keiin kýrstyń baǵdarlamasy boiynsha tiisti emtihan ótkiziledi. Sol emtihandy sátti tapsyrǵandar ǵana sertifikat alady.
"Taǵy bir óte mańyzdy másele – kýrstan keiingi qoldaý máselesi. Munyń aldynda "Órleý" kýrs ótkizip, sodan keiin muǵalimder óz betinshe qalatyn. Bul durys emes. Kýrs ótkizdiń be, ol seniń jaýapkershiligiń. Kelesi úsh jyl osy muǵalimmen jumys júrgizý kerek. Kúndelikti bailanysta bolýy qajet. Qazir biz osy máseleni uiymdastyryp jatyrmyz", - dedi ministr.
Budan bólek, Aimaǵambetov sertifikattar elektrondy QR-kodtar arqyly beriletinin aitty. Sodan keiin tolyq baza ázirlenedi. Bul bazadan kimniń kýrstan ótip-ótpegenin tekserýge bolady.
Ministrdiń aitýynsha, kelesi jyly muǵalimderdi barynsha kóbirek qamtý úshin kýrstardyń sany birneshe ese artady.
