© Sputnik / راميل سيتديكوۆ / فوتوبانككە ٶتۋ
وقۋ-اعارتۋ مينيسترٸ اسحات ايماعامبەتوۆ تامىز كونفەرەنتسيياسى اياسىنداعى پانەلدٸك سەسسييانىڭ وتىرىسىندا بٸلٸكتٸلٸكتٸ ارتتىرۋ كۋرستارى مەن اتتەستاتسييا قالاي ٶتەتٸنٸن ايتتى, دەپ حابارلايدى Sputnik قازاقستان.
مينيستر مۇعالٸمدەر ەندٸ بٸلٸكتٸلٸكتٸ ارتتىرۋ كۋرستارىنان ٷش جىلدا بٸر رەت ٶتەتٸنٸن اتاپ ٶتتٸ. ال اتتەستاتسييا مەرزٸمٸ ٶزگەرمەيدٸ.
"ٷش جىلدا بٸر رەت كۋرستان ٶتۋ دەگەن – بۇل نەگٸزٸ جاعىمدى جاڭالىق. ٶيتكەنٸ بٸز ەرقاشاندا ٶزٸمٸزدٸڭ كەسٸبي بٸلٸكتٸلٸگٸمٸزدٸ دامىتىپ وتىرۋىمىز كەرەك. ول اقىسىز, مەملەكەت تاراپىنان بارلىعىمىزعا بٸردەي مٷمكٸن بولسا, ەرينە, پەداگوگتەر وعان قۋانۋى كەرەك. بٸراق اتتەستاتسييا سول كٷيٸندە, بەس جىلدا بٸر رەت بولىپ قالا بەرەدٸ. ونىڭ بٸر-بٸرٸنە ەش قاتىسى جوق", - دەپ مەلٸمدەدٸ ايماعامبەتوۆ.
ۆەدومستۆو باسشىسى كۋرستان ٶتكەنٸ تۋرالى سەرتيفيكاتتى بارلىعى بٸردەي المايتىنىن ايتتى.
ەڭ الدىمەن, مۇعالٸم كۋرستىڭ الدىندا تيٸستٸ دياگنوستيكادان ٶتەدٸ. كۋرس اياقتالعاننان كەيٸن كۋرستىڭ باعدارلاماسى بويىنشا تيٸستٸ ەمتيحان ٶتكٸزٸلەدٸ. سول ەمتيحاندى سەتتٸ تاپسىرعاندار عانا سەرتيفيكات الادى.
"تاعى بٸر ٶتە ماڭىزدى مەسەلە – كۋرستان كەيٸنگٸ قولداۋ مەسەلەسٸ. مۇنىڭ الدىندا "ٶرلەۋ" كۋرس ٶتكٸزٸپ, سودان كەيٸن مۇعالٸمدەر ٶز بەتٸنشە قالاتىن. بۇل دۇرىس ەمەس. كۋرس ٶتكٸزدٸڭ بە, ول سەنٸڭ جاۋاپكەرشٸلٸگٸڭ. كەلەسٸ ٷش جىل وسى مۇعالٸممەن جۇمىس جٷرگٸزۋ كەرەك. كٷندەلٸكتٸ بايلانىستا بولۋى قاجەت. قازٸر بٸز وسى مەسەلەنٸ ۇيىمداستىرىپ جاتىرمىز", - دەدٸ مينيستر.
بۇدان بٶلەك, ايماعامبەتوۆ سەرتيفيكاتتار ەلەكتروندى QR-كودتار ارقىلى بەرٸلەتٸنٸن ايتتى. سودان كەيٸن تولىق بازا ەزٸرلەنەدٸ. بۇل بازادان كٸمنٸڭ كۋرستان ٶتٸپ-ٶتپەگەنٸن تەكسەرۋگە بولادى.
مينيستردٸڭ ايتۋىنشا, كەلەسٸ جىلى مۇعالٸمدەردٸ بارىنشا كٶبٸرەك قامتۋ ٷشٸن كۋرستاردىڭ سانى بٸرنەشە ەسە ارتادى.
