Foto: elements.envato.com
Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin telefon alaiaqtary týraly aitty, - dep habarlaidy Tengrinews.kz portaly.
Májilistegi Úkimet saǵatynda sóilegen sózinde ministr qazir nesie alý óte ońai ekenin atap ótti. Ol ózi telefon alaiaqtarymen betpe-bet kelgenin, al týystaryna alaiaqtyq jolmen nesie rásimdegender týraly aitty.
"Men ózim de kezdestim, týystarym da aldy (qońyraýlar. - esk.), olardyń atynan osylai nesie alǵan. Alaiaqtyq túrde SMS-ti bilip alǵan, áli kúnge deiin kinálini taba almai jatyrmyz. Biraq sońynda bailanys operatorlarynyń úilestirýshi organy retinde jumys júrgizdik, endi Ulttyq bankpen jáne Qarjy naryǵyn retteý jáne damytý agenttigimen onlain-quraldar arqyly kreditter berýdiń yqtimal formatyn qatańdatý úshin jumys istegimiz keledi", - dedi Baǵdat Mýsin.
Onyń aitýynsha, ministrlik úsh faktorly aýtentifikatsiiany usynady.
"Biometriialyq sáikestendirý mindetti formatta. SMS aýtentifikatsiiasy jetkiliksiz. SMS ekinshi faktor retinde. Úshinshiden, munyń bárine ETsQ arqyly qol qoiylýy kerek. Sebebi búginde nesie alý úshin sizge jiberilgen SMS nómirdi jazyp, million teńge nesie alýǵa bolady", - dedi ministr.
Onyń aitýynsha, qazirgi ýaqytta bailanys operatorlary telefon alaiaqtarynyń keibir nómirlerin eseptep, buǵattaýdy úirenip, bir-birimen barlyq aqparat almasý úshin integratsiialanyp jatyr.
"Shynymdy aitsam, men de azamatpyn, mende mundai qońyraýlar sany azaidy, biraq biz operatorlarmen jumys isteitindikten kórip júrmin. Biraq másele mynada, bul alaiaqtardyń telefon nómirlerimizdi paidalanýǵa, olardy shetelge jáne shetelden roýming arqyly shyǵarýǵa múmkindigi bar, jáne munyń bári múmkin", - dedi Baǵdat Mýsin.
