Aralas jekpe-jekten álem chempiony, qazaqstandyq Mariia Agapova 9 qazanda oktagonǵa qaita oralady.
Bul jaiynda ol óziniń Instagram paraqshasynda málim etti.
9 qazan kúni ol UFC-degi úshinshi jekpe-jegine shyǵady. Qazaqstandyq arýdyń qarsylasy - kolýmbiialyq Sabina Mazo.
Sabinanyń jasy 24-te, UFC-de 5 aiqas ótkizip úlgergen. Onyń úsheýinde jeńiske jetken.
Mazo sońǵy kezdesýinde Aleksis Devisten jeńilip qalǵan bolatyn.
Eske sala keteiik, Mariia Agapova UFC alańynda eki márte óner kórsetti. Ótken jyldyń 13 maýsymynda ol UFC on ESPN 10 týrnirinde amerikalyq Hanna Saiferspen jekpe-jek ótkizdi. Bul aiqas Mariia Agapovanyń jeńisimen aiaqtaldy.
23 jastaǵy qazaqstandyq sportshy úsh minýttyń ishinde qarsylasynan basym tústi.
Osylaisha bul onyń sport jolyndaǵy toǵyzynshy jáne UFC alańyndaǵy birinshi jeńisi boldy.
Keiinnen 2020 jyldyń tamyzynda Mariia amerikalyq Shena Dobsonnan jeńilip qaldy.
