Búgin halyq aldynda esep berý kezdesýinde QR Densaýlyq saqtaý ministri Aleksei Tsoi shetelde qazaqstandyq vaktsinalaý pasportynyń ózektiligine qatysty suraqqa jaýap berdi, dep habarlaidy "Ult aqparat".
«Bul másele qazirgi kezde shetelde talqylanyp jatyr. Qozǵalysty shekteý boiynsha álemde naqty bekitilgen normativtik qujattar joq. Sondyqtan bul másele qarastyrylýda», - dedi ministr Ortalyq kommýnikatsiialar qyzmetinde.
Osy oraida ol bul baǵytta elimizde atqarylyp jatqan jumystarǵa toqtaldy.
«Qazaqstanda ózimizdiń aqparattyq júieni ázirledik. Qazir árbir azamatta ekpeniń eki dozasyn alǵannan keiin, vaktsinalaýdyń elektrondy pasporty berilýde. Eger halyqaralyq zańnamaǵa ózgeris engizilse, biz integratsiiaǵa ázirmiz. Bul turǵyda bizdiń aqparattyq júieler halyqaralyq basqa da júielermen integratsiiaǵa daiyn bolady. Qazirgi kezde álem elderi tiisti talaptardy qoiyp otyrǵan joq», - dedi A. Tsoi.
