AQSh-tyń Milýoki qalasynda konkimen júgirý sportynan alǵash ret ótken «Tórt qurlyq týrniri» óz máresine jetti, dep habarlaidy "Ult aqparat".
QR Ulttyq olimpiadalyq komiteti habarlaǵandai, atalǵan týrnirden jerlesterimiz 1 altyn, 3 kúmis, 3 qola medal jeńip aldy.
Birinshi jarys kúniniń qorytyndysy boiynsha qazaqstandyq sportshylar bes medal ielendi.
Roman Krech Qazaqstan qorjynyna alǵashqy medaldi saldy. Ol 500 metrge jarysýdan qola júldeger atanǵan. Osy qashyqtyqta synǵa túsken taǵy bir qazaqstandyq Artýr Galiev onynshy orynǵa turaqtady.
3000 metrge júgirýden áielder arasyndaǵy básekede Nadejda Morozova kúmiske qol jetkizse, 5000 metrge jarysqan erler arasynda Vitalii Shigolev altynnan alqa taqty.
Osy básekede Dmitrii Morozov kúmiske ielik etken. Sprintten komandalyq jarysta Artýr Galiev, Stanislav Palkin jáne Aleksandr Klenko úshtigi qolaǵa qol jetkizdi. Olar Koreia men Qytai quramalaryna jol bergen.
Al ekinshi jarys kúni Qazaqstan quramasynyń qorjynyna taǵy bir júlde tústi.
Qazaqstandyq sportshy Nadejda Morozova 1500 metr qashyqtyqty sátti baǵyndyryp, júldegerler qatarynan tabyldy. Márege ekinshi bolyp jetken ol, jarystyń kúmis júldegeri atandy.
Sońǵy jarys kúninde qazaqstandyq konkimen júgirýshiler komandalyq sprintten qola júlde jeńip aldy. Olar Kanada men Ońtústik Koreia quramalaryna ǵana jol bergen.
