اقش-تىڭ ميلۋوكي قالاسىندا كونكيمەن جٷگٸرۋ سپورتىنان العاش رەت ٶتكەن «تٶرت قۇرلىق تۋرنيرٸ» ٶز مەرەسٸنە جەتتٸ, دەپ حابارلايدى "ۇلت اقپارات".
قر ۇلتتىق وليمپيادالىق كوميتەتٸ حابارلاعانداي, اتالعان تۋرنيردەن جەرلەستەرٸمٸز 1 التىن, 3 كٷمٸس, 3 قولا مەدال جەڭٸپ الدى.
بٸرٸنشٸ جارىس كٷنٸنٸڭ قورىتىندىسى بويىنشا قازاقستاندىق سپورتشىلار بەس مەدال يەلەندٸ.
رومان كرەچ قازاقستان قورجىنىنا العاشقى مەدالدٸ سالدى. ول 500 مەترگە جارىسۋدان قولا جٷلدەگەر اتانعان. وسى قاشىقتىقتا سىنعا تٷسكەن تاعى بٸر قازاقستاندىق ارتۋر گاليەۆ ونىنشى ورىنعا تۇراقتادى.
3000 مەترگە جٷگٸرۋدەن ەيەلدەر اراسىنداعى بەسەكەدە نادەجدا موروزوۆا كٷمٸسكە قول جەتكٸزسە, 5000 مەترگە جارىسقان ەرلەر اراسىندا ۆيتاليي ششيگولەۆ التىننان القا تاقتى.
وسى بەسەكەدە دميتريي موروزوۆ كٷمٸسكە يەلٸك ەتكەن. سپرينتتەن كوماندالىق جارىستا ارتۋر گاليەۆ, ستانيسلاۆ پالكين جەنە الەكساندر كلەنكو ٷشتٸگٸ قولاعا قول جەتكٸزدٸ. ولار كورەيا مەن قىتاي قۇرامالارىنا جول بەرگەن.
ال ەكٸنشٸ جارىس كٷنٸ قازاقستان قۇراماسىنىڭ قورجىنىنا تاعى بٸر جٷلدە تٷستٸ.
قازاقستاندىق سپورتشى نادەجدا موروزوۆا 1500 مەتر قاشىقتىقتى سەتتٸ باعىندىرىپ, جٷلدەگەرلەر قاتارىنان تابىلدى. مەرەگە ەكٸنشٸ بولىپ جەتكەن ول, جارىستىڭ كٷمٸس جٷلدەگەرٸ اتاندى.
سوڭعى جارىس كٷنٸندە قازاقستاندىق كونكيمەن جٷگٸرۋشٸلەر كوماندالىق سپرينتتەن قولا جٷلدە جەڭٸپ الدى. ولار كانادا مەن وڭتٷستٸك كورەيا قۇرامالارىنا عانا جول بەرگەن.
