Qazaqstanda alǵash ret midyń gematomasyn trepanatsiiasyz alyp tastaý operatsiiasy jasaldy, dep habarlaidy "Ult aqparat".
Biregei operatsiia Almatydaǵy №7 qalalyq klinikalyq aýrýhananyń qantamyr neirohirýrgiia bóliminde gemorragiialyq tipti insýltti emdeýde azinvazivti Artemis (Penumbra) júiesin qoldana otyryp endoskopiialyq jolmen jáne BrainLab neironavigatsiialyq júieniń kómegimen jasaldy.
Neirohirýrg Qastei Raýan Meiramulynyń aitýynsha, mundai ádis operatsiia kezinde kóp kólemde qan joǵaltýdy azaitady.
«Bul operatsiianyń biregeiligi bastaǵy gematomany kúrdeli operatsiiasyz, kishkene tesik arqyly alyp tastaýǵa bolady. Iaǵni, aýqymdy bassúiek trepanatsiiasynsyz jasaýǵa múmkindik beredi. Bul atalǵan otanyń túrine kórsetkishter ár patsientke jeke jáne qatań túrde qarastyrylady»,– deidi Raýan Qastei.
Sonymen qatar, ol mundai operatsiialar Eýropa, AQSh, Italiia jáne Ispaniia elderinde jasalatynyn tilge tiek etti.
«Atalǵan operatsiia bizde alǵash ret sonaý postkeńistik kezinde jasalǵan bolatyn.Bul ádistiń tiimdiligin AQSh-ta dáleldendi. Arnaiy zertteýler bar. Búgingi kúni Almatyda Artemis(Penumbra) júiesin qoldana otyryp endoskopiialyq jolmen jáne BrainLab neironavigatsiialyq júieniń kómegimen eki ota jasaldy», – dep qortyndylady №7 qalalyq klinikalyq aýrýhananyń qantamyr neirohirýrgiia bóliminiń meńgerýshisi Raýan Qastei.
