Qazaqstanda ónerkásip salasyndaǵy kásiporyndardy yntalandyrýdyń tyń tetikteri engizilmek. Bul jóninde tolyǵyraq Indýstriia jáne infraqurylymdyq damý ministri Beibit Atamqulov aityp berdi, dep habarlaidy QazAqparat.
«Zań jobasy sheńberinde ishki naryqty sapaly ónimmen qanyqtyryp, eksporttaýǵa basa nazar aýdarý kerek. Osy maqsatta ónerkásip salalaryndaǵy óńdeý ónerkásibiniń kásiporyndaryn yntalandyrǵan abzal. Otandyq taýar óndirýshilerdi óndirilgen ónimdi jańa, kúrdelirek qaita bólýge aýysýǵa yntalandyrý maqsatynda orta jáne joǵarǵy qaita óńdeýdiń basym taýarlarynyń tizbesi engizildi. Búgingi kúni bul taýarlar tizbesi qalyptasty. Shikizat segmentine jatatyn taýarlardy qospaǵanda, shikizatqa jaqyn, óńdeý ónerkásibiniń barlyq salalaryn quraityn 4 myńnan astam taýardan turady», - dedi Beibit Atamqulov Senatta ótip jatqan «QR ónerkásiptik saiasatty zańnamalyq retteý: jai-kúii, problemalary jáne sheshý joldary» taqyrybyndaǵy Úkimet saǵatynda.
Onyń aitýynsha otandyq taýar óndirýshilerdi óndirilgen ónimniń jańa, neǵurlym kúrdeli bóliniske aýysýǵa yntalandyrý maqsatynda Orta jáne joǵarǵy bólinis basym taýarlarynyń tizbesi engizilýde. Búgingi kúni bul taýarlar tizbesi qalyptasyp, shikizatqa jaqyn, shikizat segmentine jatatyn taýarlardy qospaǵanda, óńdeý ónerkásibiniń barlyq salalaryn quraityn 4 myńnan astam taýardan turady.
«Barlyq operatorlar óndiristik kásiporyndardy memlekettik yntalandyrý kezinde osy tizimdi basshylyqqa alatyn bolady», - dedi ol.
