Qazaqstanda 89 farmatsevtikalyq kásiporyn dárilik zattar jáne meditsinalyq buiymdar shyǵarady. Bul týraly Ortalyq kommýnikatsiialar qyzmetinde ótken dárilik zattardy, meditsinalyq ónimderdi jáne ókpeni jasandy jeldetý apparattaryn otandyq óndirý týraly brifingide aityldy, dep habarlaidy "Ult aqparat".
«Memleketimizde farmatsevtikalyq ónerkásibindegi 89 kásiporyn dárilik zattar jáne meditsinalyq buiymdar óndirýdi júzege asyrady. Onyń ishinde dárilik zattardy óndirý boiynsha 33, meditsinalyq maqsattaǵy buiymdar 41 jáne meditsinalyq tehnika óndirisi boiynsha 15 kásiporyn jumys isteidi. Birinshi, dárilik zattar óndirisi boiynsha dárilik zattardyń negizgi óndirisi Almaty, Shymkent qalasynda jáne Almaty oblysynda ornalasqan on kásiporyn, sondai-aq Qaraǵandy oblysy men Aqtóbe oblysynda bir kásiporynnan ornalasqan. Bul kásiporyndar myńǵa jýyq dári-dármek shyǵarady. Olardyń ishinde jedel respiratorlyq aýrýlardy jáne olardyń asqynýlaryn emdeýge baǵyttalǵan, virýsqa qarsy, qabynýǵa qarsy dárilik preparattar men antibiotikter bar», - deidi QR Indýstriia jáne infraqurylymdyq damý vitse-ministri Amaniiaz Erjanov.
Onyń aitýynsha, dene qyzýyn túsiretin jáne virýsqa qarsy preparattardyń negizgi óndirýshileri - «Nobel AFF» AQ, Abdi Ibrahim Global Pharm JShS.
«Olardyń shyǵaratyn dári-dármekteri: palitramitsin. Onyń quramy paratsetamol, tanfleks, rivirin preparattary siiaqty. «Farm Aqtóbe» grippovir, jótelge qarsy siroptardy shyǵarady. «VIVA FARM» paratsetamol, boksgripal jáne basqa dárilerdi shyǵarady», - deidi ol.
