Halyqaralyq boks federatsiiasy (IBF) barlyq salmaq sanaty boiynsha jańartylǵan reitingti jariialady, dep habarlaidy QazAqparat VKontakte áleýmettik jelisindegi «Qazaqstannyń kásipqoi boksy» paraqshasyna silteme jasap.
Orta salmaqta Gennadii Golovkin tizimniń úshinshi satysynda qaldy. Birinshi oryn ýkrainalyq Sergei Derevianchenkoǵa tiesili. Buǵan deiin habarlaǵanymyzdai, GGG Derevianchenkomen álem chempiony ataǵy úshin jekpe-jek ótkizýi yqtimal.
Meiirim Nursultanov 11-den 10-ynshy orynǵa kóterildi.
Jartylai orta salmaq sanatynda buǵan deiin 14-inshi pozitsiiadan kórinip kelgen Baqtiiar Eiýbov TOP-15-ten shyǵyp qaldy.
Nursultan Janabaev rangtar týraly tabelge 15-inshi bolyp endi. Bul divizionda álem chempiony ataǵy Errol Spenske tiesili. Al birinshi orynda ózbek boksshysy Kýdratillo Abdýkahorov tur.
