Karateshi Sofia Berýltseva Tokio Olimpiadasyndaǵy jeńisti jolyn jalǵastyrýda. Ol úshinshi kezdesýden soń merziminen buryn jartylai finalǵa shyqty, dep habarlaidy "Ult aqparat" Olympic.kz-ke silteme jasap.
Áielder arasynda 61 keliden joǵary salmaqta synǵa túsip jatqan otandasymyz ekinshi kezdesýinde Eýropa oiyndarynyń jeńimpazy, Italiia sportshysy Silviia Semerarony 5:1 esebimen utty.
Keiin túrik sportshysymen teń túsip, úshinshi jekpe-jekte ázirbaijandyq Irina Zaretskaiadan 5:4 esebimen basym tústi. Osylaisha, 5 upaimen merziminen buryn jartylai finalǵa joldama aldy. Bul kem degende qola júlde qorjynda ekenin bildiredi.
Jartylai final elorda ýaqytymen 16:20-de ótedi.
