© Sputnik / Timýr Batyrshin
Qazaqstannyń ǵalymdary kúigen jáne trofikalyq jaralardy emdeitin biologiialyq materialdy oilap tapty. Ony iri qara maldyń kókshandyrynan jasap, Almaty jáne Qaraǵandy qalalarynyń meditsinalyq mekemelerinde synaqtan ótkizdi, dep habarlaidy Sputnik Qazaqstan agenttigi "Habar 24" arnasyna silteme jasap.
Biologiialyq materialdy jasaýǵa jáne synaqtan ótkizýge on jyldan astam ýaqyt ketti. Ol tabiǵi kollagen men elastin talshyqtarynan turady jáne quramy jaǵynan adam terisine jaqyn. Onyń kómegimen trofikalyq jaralardy, sondai-aq, I jáne II deńgeidegi kúiikterdi emdeýge bolady.
"Bul ideia 2011 jyly paida boldy. 2012 jyly bizge bilim jáne ǵylym ministrligi tarapynan grant berildi. Al eki jyldan keiin jobamyzdy sátti iske asyrdyq. Artynan klinikalyq zertteýlerdi bastap kettik", - deidi professor Viacheslav Ogai.
Siyrdyń kókshandyryn biomaterialǵa ainaldyrý úshin ony birneshe ret óńdeidi. Aldymen mehanikalyq óńdeý jasalady. Sol kezde úlken qan tamyrlary men maidy alyp tastady. Odan keiin birneshe bólikke kesedi. Ólshemi – 10/10 sm. Óńdeýdiń ekinshi satysynda janýar jasýshalary men DNK-ny alyp tastaidy. Osynyń bárin jasaý úshin eki aptadai ýaqyt qajet.
"Bizde arnaiy reaktivter bar. Onymen jasýshalardy shyǵaramyz. Odan keiin DNK-syn alyp tastaimyz. Sosyn birneshe ret tazalaimyz, jýamyz jáen iadrolyq fizika institýtyna aparamyz. Ol jerde beta-sáýlemen óńdeidi", - dep atap kórsetti ǵalym Ásel Isabekova.
Biomaterialdy kúiik pen jarany emdeýge ǵana emes, plastikalyq hirýrgiia men tis implantologiiasyda qoldanýǵa bolady. Klinikalyq zertteýler Almaty men Qaraǵandynyń meditsinalyq mekemelerinde ótti. Biomaterial I jáne II deńgeidegi kúiikteri bar 120 patsientke salyndy.
Qazirgi kezde tirkeý sharalary bastaldy. Al ǵalymdar halyqaralyq ǵylymi jýrnaldarǵa maqala daiyndaýǵa kiristi.
