Qazaqstan quramasynyń jartylai qorǵaýshysy Islambek Qýat Resei Premer-ligasynyń «Himki» klýbyna ótti, dep habarlaidy Sports.kz saity.
Transfermarkt.de málimetinshe, Qýat óziniń jańa komandasynda eń qymbat oiynshy bolyp sanalady. Onyń quny 1,5 million eýrony quraidy. Qazaqstandyq fýtbolshynyń baǵasy 1,4 million eýroǵa baǵalanǵan reseilik havbek Aleksandr Lomovitskiiden ozyp ketti.
Eske sala ketsek, Islambek Qýattyń «Himkimen» kelisimsharty 2021 jyldyń 30 maýsymyna deiin sozylady. Ótken maýsymda qazaqstandyq fýtbolshy «Orenbýrg» tústerin qorǵaǵan, alaida klýb Premer-ligaǵa ilikpei qaldy.
