Fýtboldan Qazaqstan quramasynyń qorǵaýshysy Temirlan Erlanov Ulttar Ligasynyń úshinshi týrynyń úzdik quramyna endi, dep habarlaidy "Ult aqparat".
SofaScore analitikalyq portalynyń nusqasy boiynsha Temirlan Erlanov Qazaqstan-Albaniia matchynyń úzdik oiynshysy atanyp, 8.1 upai jinady. Sol kezdesýde Erlanov ulttyq quramanyń qaqpasyn goldan aman saqtap qalǵan edi.
Temirlannan ózge bul tizimde álemge áigili ispandyq qorǵaýshy Serhio Ramospen qatar tur. Sondai-aq, quramda Martin Edegor, Erling Holland siiaqty ataqty fýtbolshylar bar.
«Biz bul oiynda qorǵanysqa asa mán berdik. Al qorǵaýshynyń qaqpashyǵa kómektesýi – zańdylyq. Sondyqtan qaqpany goldan aman saqtap qalǵanymdy erlik dep eseptemeimin. Qorǵaýshy retindegi mindetim edi. Menen basqa da áriptesterim janyn berip oinady. Olardyń árqaisysy da meniń ornymdy basa alady. Árine, eńbegińdi baǵalap, úzdikter quramyna engizip jatsa, ishiń jylyp qalady», - dedi fýtbolshy telefon arqyly.
Temirlan Erlanov Qazaqstan quramasy sapynda alǵash ret 2019 jyly 21 aqpanynda Moldova quramasyna qarsy alańǵa shyqty. Osy ýaqytqa deiin 8 matchqa alańǵa shyǵyp,1 gol soqqan. Qazir Temirlan Qostanaidyń «Tobylynda» dop tebedi.
Sonymen Ulttar Ligasynyń úshinshi týryndaǵy úzdik komanda mynadai:
Kail Goldýin (Gibraltar), Temirlan Erlanov (Qazaqstan), Serhio Ramos (Ispaniia), Martin Edegor, Erling Hollan, Aleksandr Serlot, Birger Meling (barlyǵy – Norvegiia), Anastasios Bakasetas (Gretsiia), Raýno Sappinen (Estoniia), Vensan Till (Liýksembýrg), Odmar Fere (Farer araldary).
