فۋتبولدان قازاقستان قۇراماسىنىڭ قورعاۋشىسى تەمٸرلان ەرلانوۆ ۇلتتار ليگاسىنىڭ ٷشٸنشٸ تۋرىنىڭ ٷزدٸك قۇرامىنا ەندٸ, دەپ حابارلايدى "ۇلت اقپارات".
SofaScore اناليتيكالىق پورتالىنىڭ نۇسقاسى بويىنشا تەمٸرلان ەرلانوۆ قازاقستان-البانييا ماتچىنىڭ ٷزدٸك ويىنشىسى اتانىپ, 8.1 ۇپاي جينادى. سول كەزدەسۋدە ەرلانوۆ ۇلتتىق قۇرامانىڭ قاقپاسىن گولدان امان ساقتاپ قالعان ەدٸ.
تەمٸرلاننان ٶزگە بۇل تٸزٸمدە ەلەمگە ەيگٸلٸ يسپاندىق قورعاۋشى سەرحيو راموسپەن قاتار تۇر. سونداي-اق, قۇرامدا مارتين ەدەگور, ەرلينگ حوللاند سيياقتى اتاقتى فۋتبولشىلار بار.
«بٸز بۇل ويىندا قورعانىسقا اسا مەن بەردٸك. ال قورعاۋشىنىڭ قاقپاشىعا كٶمەكتەسۋٸ – زاڭدىلىق. سوندىقتان قاقپانى گولدان امان ساقتاپ قالعانىمدى ەرلٸك دەپ ەسەپتەمەيمٸن. قورعاۋشى رەتٸندەگٸ مٸندەتٸم ەدٸ. مەنەن باسقا دا ەرٸپتەستەرٸم جانىن بەرٸپ وينادى. ولاردىڭ ەرقايسىسى دا مەنٸڭ ورنىمدى باسا الادى. ەرينە, ەڭبەگٸڭدٸ باعالاپ, ٷزدٸكتەر قۇرامىنا ەنگٸزٸپ جاتسا, ٸشٸڭ جىلىپ قالادى», - دەدٸ فۋتبولشى تەلەفون ارقىلى.
تەمٸرلان ەرلانوۆ قازاقستان قۇراماسى ساپىندا العاش رەت 2019 جىلى 21 اقپانىندا مولدوۆا قۇراماسىنا قارسى الاڭعا شىقتى. وسى ۋاقىتقا دەيٸن 8 ماتچقا الاڭعا شىعىپ,1 گول سوققان. قازٸر تەمٸرلان قوستانايدىڭ «توبىلىندا» دوپ تەبەدٸ.
سونىمەن ۇلتتار ليگاسىنىڭ ٷشٸنشٸ تۋرىنداعى ٷزدٸك كوماندا مىناداي:
كايل گولدۋين (گيبرالتار), تەمٸرلان ەرلانوۆ (قازاقستان), سەرحيو راموس (يسپانييا), مارتين ەدەگور, ەرلينگ حوللان, الەكساندر سەرلوت, بيرگەر مەلينگ (بارلىعى – نورۆەگييا), اناستاسيوس باكاسەتاس (گرەتسييا), راۋنو ساپپينەن (ەستونييا), ۆەنسان تيلل (ليۋكسەمبۋرگ), ودمار فەرە (فارەر ارالدارى).
