Rejisser Ádilhan Erjanovtyń «Atbai shaiqasy» filmi 25 shilde men 2 tamyz aralyǵynda ótetin XXIII Shanhai halyqaralyq kinofestivalinde kórsetiledi, dep habarlaidy "Ult aqparat" festivaldiń uiymdastyrý komitetine silteme jasap.
«Atbai shaiqasy» filmi Shanhai kinofestivalinde Shanghai International Film Festival (SIIF) Highligts – Viva La Festival sanaty boiynsha tańdap alyndy.
Festivaldi bastapqyda 2020 jyldyń 13-22 maýsymy aralyǵynda ótkizý josparlanǵan bolatyn, alaida COVID-19 pandemiiasyna bailanysty uiymdastyrýshylar bul sharany keiinge qaldyrdy.
Qytai megapolisiniń turǵyndary men qonaqtary «Atbai shaiqasy» filmin 25 shilde, 1 jáne 2 tamyz kúnderi Shanhai qalasynyń úsh kinoteatrynan tamashalai alady.
Filmniń annotatsiiasynda baiandalǵandai, bul kartina jeńimpazdary anyqtalyp qoiǵan MMA aralas jekpe-jek týrnirine qatysýǵa sheshim qabyldaǵan kóshe buzaqysy Atbai jaiynda. Biraq Atbai jeńýge bel býady. Óitkeni oǵan bul jeńis jańa ómirdi bastaýǵa, úlken sportqa oralyp, súiikti áielin qaitarýǵa múmkindik beredi.
Shanhai halyqaralyq kinofestivali – halyqaralyq kinoprodiýserler qaýymdastyǵy federatsiiasynyń akkreditinen ótken Qytaidyń iri kinofestivali.
1993 jyly qazan aiynda munda tuńǵysh ret 33 eldiń 167 filmi kórsetilgen. 2018 jyly 21-kinofestivalde 108 eldiń 3447 filmi kópshilik nazaryna usynyldy.
Shanhai kinofestivaliniń bas júldesi – «Altyn kýbok».
