Qazaqstandyq fermerler jyl basynan beri shetelden 11 639 bas iri qarany satyp alyp keldi, dep habarlaidy QazAqparat.
«Sybaǵa» baǵdarlamasy boiynsha biyl 108 taýar óndirýshi 11 639 bas iri qarany shetelden satyp alyp keldi. Negizgi qarjylandyrylǵan soma – 7,5 mlrd teńge. 2019 jylmen salystyrar bolsaq, byltyr 63 myń iri qara shetelden ákelingen bolatyn. Biyl pandemiiaǵa bailanysty jazda ol jumys kishkene qysqaryp qaldy», - dedi «QazAgro» ulttyq basqarýshy holdingi» aktsionerlik qoǵamynyń basqarma tóraǵasy Erbol Qarashókeev OKQ-da ótken baspasóz máslihatynda.
Eske sala ketsek Aýyl sharýashylyǵy ministri Saparhan Omarov ishki naryqty negizgi tamaq ónimderimen qamtý jospary bir ai ishinde bekitiletinin málim etken edi.
«Bul másele boiynsha 2023 jyldyń sońyna qarai ishki naryqty negizgi tamaq ónimderimen tolyqtai molyqtyrýǵa múmkindik beretin negizgi tásildemeler aiqyndalǵanyn atap ótkim keledi. Bul sharalar búgin Úkimet otyrysynda tanystyryldy. Premer-Ministrdiń tapsyrmasy boiynsha ishki naryqty azyq-túlik ónimderimen molyqtyrý jónindegi keshendi jospardyń jobasy bir ai merzimde múddeli memlekettik organdarmen kelisilip, Úkimetke bekitýge engiziledi», - dedi Saraphan Omarov.
