©PFL
Qazaqstandyq MMA sheberi Zámzágúl "Bopai" Faizollanova (7-2) amerikalyq PFL ligasynda Braziliiadan kelgen Larissa Pachekomen (16-4) kezdesti, dep habarlaidy "Ult aqparat" Vesti.kz saityna silteme jasap.
Alǵashqy raýndta birneshe aýyr soqqy ótkizgen otandasymyz qarsylasyna qarsy qaýqarsyz boldy. Nátijesinde aiqas nokaýtpen aiaqtaldy.
"Bopai" 2015-2018 jyldar aralyǵyndaǵy kásipqoi karerasynda jii jekpe-jek ótkizip, keiin úsh jyl úzilis aldy. 2021 jyly qaita babyna kelip, ózbekstandyq Hojiniso Komoldinovany tóreshilerdiń sheshimimen jeńgen edi.
Al Larissa Pacheko bolsa 15 kezdesýiniń on tórtin ýaqytynan buryn jeńip kelgen UFC promoýshnynyń burynǵy ókili. PFL ligasynda alty aiqastyń tek ekeýinde ǵana liga chempiony Kaila Harrisonǵa ese jibergen.
